HIRI ANTOLAMENDUKO PLAN OROKORRAREN AURRERAKINA: HERRITARREN TXANDA

Ostegun honetan izango da lehenengo bilera informatiboa

Martxan da aurreko astetik ‘Ordizia Denon Artean’   Ordiziaren Hiri Antolamenduko Plan Orokorraren Aurrerakinaren parte-hartze prozesua.Barrenan urtarrilaren 15a bitarte zabalik egongo den erakusketarekin batera hasi da eta bilera informatibo eta tailerrekin osatuko da. Lehenengo bilera informatiboa ostegun honetan da.

Hiri Antolamenduko Plan orokorra Ordiziaren aurrera begirako hirigintza antolatzen eta planifikatzen duen dokumentua da.Udalak duela hainbat urte heldu zion gaur egun indarrean dagoen plangintza orokorra berraztertzeari, horretatik abiatuta, aurrera begirako hirigintza-premiei eta aurreikuspenei erantzun egoki bat emate aldera.

Jose Miguel Santamaria alkateak eta Pilar Amenabar udal arkitektoak parte-hartze fase honen garrantzia azpimarratu dute. Euren iritziz, oso garrantzitsua da Ordiziako herritarrek beren iritzia ematea, horrekin herriaren aurrera begirako hirigintzaren diseinuari buruzko haien ikuspegia txertatzea ahalbidetzen baita.

Informazio-bileretan planaren aurrerapenaren edukia azalduko da, orokorrean.Lehena ostegun honetan bertan izango da, euskaraz. Bigarrena, berriz, azaroaren 23an, gaztelaniaz.

Lantegietan landuko diren eztabaidagaiak honako hauek izango dira:            

HIRI ANTOLAMENDUKO PLAN OROKORRAREN AURRERAPENA HERRITARREK PARTE HARTZEKO FASEAN SARTU DA

Esposizio batek, informazio-saioek eta gaiari buruzko hainbat lantegik erraztuko dute dokumentuari ekarpenak egiteko hausnarketa

Ostegun honetan inauguratu da Barrena kultura-etxean Ordiziaren Hiri Antolamenduko Plan Orokorraren Aurrerapena.Horrela, hasiera eman zaio plan berriaren aurrerapenaren fase honetako herritarren parte-hartzeari: "Ordizia denon artean". Xedea Ordiziaren aurrera begirako hirigintza-plangintzarekiko herritarren ikuspegia txertatzen laguntzea da.Plan orokorra urtarrilaren 15era arte egongo da jendaurrean.Datozen egunotan, informazio-triptiko bat emango da argitara, bai esposizioari publikoari buruzkoa, bai herritarren parte-hartzeari buruzkoa.

Horrela, herritarrek parte hartzeko martxan jarri den prozesua honako hauek osatzen dute: inauguratu berri den esposizioak, argitara emandako informazio-materialak eta azaroan eta abenduan zehar herritarrekin landuko diren informazio-bilerek eta lantegiek.

SAN JOANGO ETXEBIZITZEN ZOZKETAREN EMAITZA

Ordiziako San Joan eremuan etxebizitza alokairuan (erosteko aukerarekin) eskuratzeko lehentasun-ordenan ezartzeko zozketa egin zen aurreko astean. Atxikitako dokumentuan dago zozketaren emaitza.

Kolore grisean etxebizitza aukeratzeko lehentasun ordena (1etatik 16ra) azaltzen da.

Resultado sorteo _ zozketaren emaitza_ II (PDF)

21-Pko IGOGAILUA EGITEKO LANAK HASI DIRA

2015 05 04 21PLanak 100.405 euroan esleitu dira, eta ekainaren azkenerako bukatuta egotea espero da

Joan den ostegunean, apirilak 30, hasi ziren 21-Pko igogailua egiteko lanak. Ordiziako Udalak Azpeitiko Construcciones Astiaran enpresari esleitu dizkio Goierri kalea eta Urdaneta kalea igogailu baten bidez lotzeko lanak, 100.405,96 euroan, BEZ barne. Igogailua ekainaren bukaerarako zabalduko dela espero du udalak. Igogailuak lau geraleku izango ditu, eta zortzi pertsonarentzako tokia (630 kilo gehienez). Egingo duen ibilbidea 9,45 metrokoa izango da.