Asteartea saio eskolarra eta ostiralean, 17:30etan, jende guztiarentzat.

Ordiziako Udaleko kultura sailak antolatuta, Tolosako Turismo Ekinbide Etxea eta Gipuzkoa Foru Aldundiaren laguntzaz, hogeitabedereatzi urtez segidan, eta Tolosan egiten den Nazioarteko Txotxongilo Jaialdia aprobetxatuz, Ordizian egunotan kalitate handiko bi talde izango dira Herri Antzokian. Astearte honetan, eta goizeko saioan, Ordiziako ikastetxeei eskainitako saioan Italiako MIchele Caffagik “El hombre de la lluvia” izeneko lana eskainiko du.Eta ostiralean 17:30etatik aurrera, eta jende guztiarentzat, Veronica Gonzalezen (Argentina-Italia)  “Erase una vez…dos pies”” izeneko ikuskizuna eskainiko du.

Verónica Gonzálezek bi hanka ditu, mundu honetako pertsona gehienen gisara… Bere oinak, ordea, bereziak dira oso: pertsonaia groteskoak islatzen dituzte, absurdoaren eta poesiaren artean dantzan dabiltzan istorioetan bizi diren izakiak alegia.

“Hezur-haragizko txotxongilo” horiek, musikaren laguntzaz, umorez, fantasiaz, erritmoz eta kolorez betetako antzezpena eskainiko digute.

Keinuzko antzerkiaren nazioarteko ikuskizuna da honako hau, adin guztietarako aproposa. Figura antzerkia, non azpimarratzekoa baiten gorputzeko hainbat zati txotxongilo moduan erabiltzeko abilezia: oinak, belaunak, eskuak, e.a. Ikuskizun dibertigarria benetan, haur zein helduen gozagarri.

 

Verónica González artista eklektikoa dugu. “Oin bat taulan jarri bezain pronto” atzematen du ikusleen arreta. Antzerkia oinekin teknikari esker, Verónicak bere pasio nagusiak uztartzen ditu: antzerkia, txotxongiloak, musika, keinuzko mintzaira eta ikuslearekiko bat-bateko harremana. Harrigarria da emakume bakarlari hau taula gainean ikustea, apartekoa da haren iaiotasuna, naturaltasuna. Eszenatokia betetzen du bere gorputzetik irteten diren pertsonaia ezin bereziagoekin: oinekin, eskuekin, hankekin, buruarekin, eta bereziki, bihotzarekin. Arte modu bakarra bezain dibertigarria, mundu osoko ume eta ez hain umeek erruz txalotu dutena

 

Ezbairik gabe, proposamen erakargarria eta insteresgarria Ordiziako Herri Antzokian.