AHOZ AHO JAIALDIA OSTEGUNEAN ETA OSTIRALEAN BARRENAN

Narrazio Lehiaketako partaideak.Ostegunean, 18:00etan, Urdanetako Ikasleak, Kamel Zouaoui (Algeria) eta Dorleta Kortazar (Euskadi) / Ostiralean, 22:00etan, Narrazio lehiaketaren finala eta Gala Nagusia

Ahoz Aho, Ahozkotasunaren Jaialdia azken txanpan sartzen da aste honetan.Pasa den larunbatean Amaia Elizagoienek eta Marissa Palique peruarrak saio liluragarria eta ariña eskaini zuten Barrena Jauregian. Beraiekin Jakintza Ikastolako ikasle batzuk beraiek sortutako ipuinak eskaini zituzten. Urtero bezala ikastaro bat izan da Urdaneta Ikastetxean eta Jakintza Ikastolan ahozkotasuna lantzeko umeekin. Aurten ikastaroaren irakaslea  Beatriz Egizabal izan da, Euskal Herriko narratzaile ezaguna. Astelehenean jaialdiak geldiunea egin zuen Goiztiri AEK Euskatelgian eta asteartean eta asteazkenean umeentzako saioak Urdaneta Ikastetxean eta Jakintza Ikastolan. Nerea Ariznabarreta, Mariano Hurtado eta Izaskun Mujika Ordiziako ikastetxeetara gerturatu dira bere lana eskaintzera.

Ostegunean,  arratsaldeko 6etatik aurrera Barrenan izango dugu beste aukera bat Jaialdiaren izarrak ezagutzeko: Kamel Zouaoui (Algeria) eta Dorleta Kortazar (Euskadi), eta beraiekin batera saio honetan Urdanetako Ikastetxeko narratzaile trebeak ere izango dira.

ASTEROKO ARGAZKIAK: LA MILAGROSA IKASTETXEKO IKASLE TALDEAK

ASTEROKO ARGAZKIAK: LA MILAGROSA IKASTETXEKO IKASLEEN TALDEAK

 

La Milagrosa Ikastetxeko bi ikasle taldeak ditugu ikusgai aste honetan,  Ana Irastorzak eta Mª Jose Fernandezek utzitako argazkiak. La Milagrosa Ikastetxean Karitateko mojak edo ahizpak ematen zuten eskola. Aurreneko argazkia 1971. urtekoa da eta taldea “Hospitale” zaharra joateko eskaileran dago jarrita, bigarren argakia berriz garai beretsua da (1970. hamarkada) eta Xabierko gaztelura txango batean eginda dago. Bigarren argazki hau ikusteko sakatu behean GEHIAGO IRAKURRI tokian.

ASTEROKO ARGAZKIAK: ORDIZIA “LAS PIEZAS”ETIK eta GELTOKIA

Aste honetan bi posta-txartela ekartzen ditugu, Bartzelonako Casa Figuerolak egin zuenak, bakarrik Graficas Aralar inprimategiak saltzeko serietik. Bata “las piezas” izeneko lekutik Ordiziako ikuspegi orokorra, bertan lehen planoan sail laboratua, gero errugbi-zelaia izan zena eta bigarren planoan San Bartolome auzoko eraikinak, ezkerrean Oxivol bateria fabrika zaharra. Bigarren argazkia tren geltoki zaharra dugu. Ikusteko sakatu GEHIAGO IRAKURRI.

LARUNBATEAN MARTXAN JARRIKO DA AHOZ AHO 2017 JAIALDIA

D'Elikatuz gunean, 19:00etan V. Ipuinen Ahozko Narrazio Lehiaketa ospatuko da.

…sar dadila Kalabazan!.  Ahoz Aho 2017 programazioa martxoaren 11tik 24ra garatuko da Ordizian; programazio horren barruan V. Ipuinen Ahozko Narrazio lehiaketa antolatu da eta sailkapena larunbata honetan ospatuko da, D'Elikatuz gunean arratsaldeko 19:00etan.Lehiaketa zabaldu da eta bertan 6 artista eman dute izena parte hartzeko: Irati Goikoetxea  (Beasain), Maider Alzelai   (Arrasate), Amaia Pagola   (Tolosa), Ekain Auzmendi   (Ordizia), Ane Gebara  (Gasteiz) eta Sebas Gutterdege   (Zumarraga). Aurkezle lanetan Iñaki Carretero izango dugu eta Ekaitz Goikoetxeak bere istoriak kontatuko ditu