Lejarretaren omenez egingo den erlojupekoak 335 txirrindulari elkartuko ditu

Chapel Gorri elkarteak Marino Lejarretaren II klasikoa antolatu du, iazko edizioaren arrakasta itzela ikusita. Igande honetan izango da, Ordiziako Udalak lagunduta. Izena eman duten parte hartzaileak bikoiztu baino gehiago egin dira, 335 aurten eta 145 iaz, eta hiru izango dira pertsona omenduak: Neil Stephens txirrindularia, Arritxu Iribar kazetaria eta Cafes Baque etxea. Lasterketa igandean 10:00etan hasiko da.

Etapa prologoa larunbatean egingo da. Solasaldi bat eta kontzertuak antolatu dira. Solasaldia Barrena kultur etxean izango da, 18:00etan, eta Neil Stephens, Abraham Olano eta Marino Lejarretan izango dira bertan. Kontzertuak izango dira ondoren, 19:30tan hasita Plaza Nagusian. Twin Melody, herriko bikoteak emango dio hasiera eta segidan arituko da Serafín Zubiri kantari nafarra Hondarribiko bandarekin. Zubirik bere burua eskaini zuen parte hartzeko.

10:00etatik bi minuturo

Igandean  erlojupekoak luxuzko izenen artean izango da. Txirrindulari beteranoak, enpresetako ordezkariak, zikloturistak… 335 gizon eta emakume bosteko 67 taldeetan banatuta. Irteera hartuko duen lehenengoa Erniopeko para-ziklista taldea izango da. 10:00etan abiatuko da eta ondoren bi minuturo bosteko bakoitza. Azkenak 12:10etan irtengo dira eta sari banaketa 13:30tan. Taldeak banan-banan aurkeztuko dira, bakoitza irten baino 10 minutu lehenago.

Ordiziako klasikoaren ibilbidearen zati bat egingo dute parte-hartzaileek. Hala, Arboledatik irten eta hortik Alegira, Amezketa, Abaltzisketa, Larraitz, Zaldibia eta Ordiziara itzuliko dira. Larraitztik Zaldibiara joango dira zuzenean aurten, Gaintzatik pasatu gabe.  

Parte-hartzaileen artean denetarik dago. Txirrindulari profesionalak izandakoak, zikloturista ezagunak eta bestelako ‘izarrak’. Tartean, Zubiri bera, gida batek lagunduta tandem batean egingo du ibilbidea. Eguna 500 pertsona elkartuko dituen bazkari batean bukatuko da.

Etortzekoak txirrindulari ohien artean honakoak daude:

MARINO LEJARRETA , NEIL STEPHENS , JOSEBA BELOKI , ABRAHAM OLANO , M. ROGERS , ALLAN DAVIS , A. LEANIZBARRUTIA , JOKIN MUJIKA , AITOR GARMENDIA , J. MURGUIALDAY , G. BELOKI , ANGEL EDO , J.M AHEDO , H. DIAZ ZABALA , R, SIERRA , E. MOSQUERA , D. ETXEBARRIA , R. LAISEKA , M. GAZTAÑAGA , C. RUBIERA , KOKE URIA , MELCHOR MAURI , M.HERMANS , LUIS PASAMONTES , ISAAC SUAREZ , UNAI ETXEBARRIA , JUANMA GARATE , ROLANDO OVANDO , JON URIEN , V. DORRONSORO , J.L. JUAREZ , M. HAYMAN , J.A MARTIARENA , M.J. DOMINGUEZ , L .M DIAZ DE OTAZU , I. MURGA , J. RUIZ CABESTANY , I. JUANIKORENA , E. MARTINEZ , J. REINA , G. VERDUGO , A. MTEZ . TRINIDAD , A. MENENDEZ , P. RUIZ CABESTANY , I. LEJARRETA , I. GASTON , CLAUS MOLLER , SANTOS HERNANDEZ , AMETS TXURRUKA , G. BRAVO , H. CARTHY , I.AIRZABUENA , A. BALBOA , PEDRO HORRILLO , A. PEREZ ARRIETA , A. GONZALEZ DE GALDEANO , I. FLORES , P. STROUKEN , J.J QUINTANILLA , J.I ELOSEGUI , M. RUBIERA , A. GONZALEZ , E. PEREZ , I. MURUA , D. GALPARSORO , K. FERNANDEZ DE LARREA , ALBIZURI , M. ASTARLOZA , A. KINTANA , J. UNZAGA , J. JUFRE , C. TORRENT , M. VILAJOSANA . A. GUENETXEA , R. GOROSPE , E. AJA , P. GALDOS , F. YAÑEZ , X. ALDANONDO .

Argazkian, ezkerretik eskuinera programaren aurkezpenean: José Luis Sanz (Chapel Gorri),   José Miguel Santamaría alkatea, Marino Lejarreta eta Alberto González (Chapel Gorri)