IKASGELA IBILTARIA ORDIZIAN EGONGO DA

Hilaren 23an eta 24ean egongo da eta parte hartzeko izena eman behar da

Ikasgela Ibiltaria sentsibilizaziorako heziketa kanpaina da. Programazioaren ikaskuntzaren bitartez 8-16 urte bitarteko haur eta gazteen artean teknologien erabilera egokia eta sortzailea bultzatzeko, eta bidenabar, teknologiaren aldeko jakin-mina eta bokazioa sustatzeko proiektu bat da. Autobus ibiltariak Gipuzkoako lurraldea zeharkatuko du uztailean zehar, Ordizian, uztailaren 23an eta 24an izango da herriko Arboledan, goizez eta arratsaldez tailerrak izango dira.

Autobusaren barruan antolatuko dira taldeen bisitaldiak. Kode Eskolak zuzenduko ditu programazio tailerrak, bakoitzak 45 minutu iraungo ditu eta dohainekoak izango dira guztiz. Baina, tailerretan parte hartzeko aurrez izena eman beharko da. Erreserbak egiteko jo Ordiziako Gazte Zerbitzura: 943 80 56 34 edota Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., edota, 943 000 333 deituta , edo, ondoko posta helbide elektronikora :Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. .

Tailerren informazioa

UDALAK DORRETXE UTZIKO DIE IKASLEEI

Asteko egunero izango da zabalik uztailaren 22ra arte

Ordiziako Udalak Dorretxen kirol klubentzako prestatutako gelak ikasleei utziko dizkie datozen asteetan ikasgela bezala erabil ahal izateko. Maiatzaren 16tik uztailaren 22ra bi gela izango dira erabilgarri, astean zazpi egunetan eta ordutegi zabalean, 07:00etatik 21:00etara astelenetik ostiralera eta 09:00etatik 21:00etara asteburuan.

Aukera hau aprobetxatu nahi duenak, Udaltzaingoan eskatu eta  entregatu behar du giltza amaitutakoan. Udaltzaingoak nortasun agiriaren kopia eskatuko du ordainetan, erabileraren eta joan-etorrien berri izateko.

Argazkian, gela handiko zati bat.

INSTANT1EAN, OSTIRALEAN GAZTELEKUAN GURASO ETA NERABEENTZAT

Bi tailer antolatu dira argazkigintza eta sare sozialen erabileraren inguruan

Gipuzkoako Foru Aldundiko Gazteria zuzendaritza eta herrietako Nerabeentzako Zerbitzuetako hezitzaileak nerabeekin lanean ari dira herritartasun digitalaren gaia jorratzen; eta Instant1ean proiektua sortu dute. Oinarri pedagogikoa duen egitasmoa da, eta ikasturte honetan informazioko eta komunikazioko teknologietan nerabeek dituzten zalantza, eskubide, betebehar eta jokabide egokiei buruz ari dira.

Hezitzaileak hainbat tailer eta dinamika egiten ari dira Gipuzkoa osoko gaztelekuetan. Batetik, ezagutza digitalekin zuzenean lotura duten gaiak dira eta, bestetik, balio hezitzaileak ere jorratzen dira zeharka, esate baterako, segurtasuna sarean, portaera egokiak, berdintasuna eta besteekiko errespetua nola zaindu.

GIZA ESKUBIDEEN INGURUKO ON-LINE IKASTAROA ETA PALESTINARA BIDAIATZEKO AUKERA

2014-02-13 palestina Nazioarteko Elkartasuna GKEak deituta, informazio bilera bat egingo da datorren astelehenean Barrenan

Nazioarteko Elkartasuna Gobernuz Kanpoko Erakundeak, Gipuzkoako Foru Aldundiarekin batera, Palestinako herrialde okupatuen giza eskubideen inguruko on-line ikastaro bat antolatu du. Kurtso honen bitartez, Palestinako lurraldeetan Israelgo gobernuaren eskutik bizi duten giza eskubide zapalkuntza egoera hurbildu nahi diete Gipuzkoako gazteei, bertako errealitatea ezagutzera emanez eta ikuspuntu kritikoa landuz.