ADIMEN EMOZIONALA MINDFULNESS BIDEZ

Hastapen Ikastaro berria antolatu da, mistoa, genero ikuspegiaz eta elebiduna

Ordiziako Udaleko Berdintasun sailak  ADIMEN EMOZIONALA MINDFULNESS BIDEZ ikastaroa antolatu du. Ikastaroa mistoa izango da eta genero ikuspegia barneratua izango du.  Hau da, ekintzaren bitartez MINFULNESS-en printzipioak eta praktika lantzearekin batera, gizonen eta emakumeen rolen eta jarreren bereizketa kontuan izango da. II. Berdintasun planean kokatzen da, ahalduntze eta kontzientziazio helburuekin.   Kurtsoa elebiduna izango da.

Hastapen tailerra da. Otsailaren 19an hasiko da, astelehena, eta bost saio emango dira, bat hamabostean behin, 18:00etatik 20:00etara.  Azkena apirilaren 23an izango da.  Taldea mistoa izango da, emakumeentzat eta gizonentzat irekia, eta genero ikuspegiaz landuko da gaia.   Zuzentzailea Kiribil coaching-eko Mertxe Arratibel izango da. Parte hartzeko iena eman behar da, Berdintasun Sailean, 943805610 zenbakira deituta edota  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. korreora idatzita.

GABONETAN ERE EROSI ORDIZIAN

Erosketa bonoak salgai dira dagoeneko 40 euroen truke 50eko balioarekin

Aurten ere ORDIZIAN merkataritza, ostalaritza eta zerbitzu elkarteak, Ordiziako Udalaren laguntza eta babesarekin, Eguberritako kanpaina aurkeztu dute udaleko, merkataritzako eta turismo bulegoko arduradunek,. Egun hauetan ospatuko diren beste ekintza eta ekimenei ere kanpaina hau batuz, merkataritza sektorearentzat urteko kanpaina garrantzitsuenetako bat den honetan, Ordiziarrak eta bisitatzen duten Goierritarrak kultura eta aisia aukera erakargarria gozatzeko nahiko argudio eman nahi da.

Eguberritako erosketak herriko dendetan egitearen aldeko sentsibilizazio kanpaina, Ordizian erosketa-opari bonoak, Olentzero eta errege magoekin Photocall 300€ko sariaren zozketarekin, Gabonetako 20 saskien eta 15 Errege-opilen zozketa, Txu-txu tren turistikoa eta haur parkeak izango dira ORDIZIAN elkartearen proposamena eguberritako kanpainarako.

 

“SENTSIBILIZAZIO KANPAINA. GABONETAKO EROSKETAK HERRIKO MERKATARITZAN”

AZAROAK 25, HITZORDU BERRIA ORDIZIAN

Ordiziak bat egingo du beste behin Emakumeenganako Indarkeriaren aurkako Egunarekin

Ate joka da azaroaren 25a eta horren harira azaroaren 16tik abenduaren 12ra arte egingo diren ekintzen programa prest da. Egitaraua herriko hainbat erakunderen eta Udaleko hainbat sailekoen ekarpenekin osatu da (kimetz, Hitzaro, Emakume migranteen taldea, Hiri hezitzaile programa eta bertako partaideak, Berdintasun saila, Herri antzokia eta Aniztasun arloa).

36 urte bete dira jada Azaroaren 25a indarkeria sexistaren aurkako borroka eguna izendatu zenetik; 1993ko abenduan, NBEko Asanblada Orokorrak Emakumeen aurkako oldarkeria deuseztatzeko Adierazpena onartu zuen. Horren arabera, halako oldarkeria gizonen eta emakumeen arteko botere-harremanen desorekaren adierazgarri da. Baita emakumeen mendekotasuna betikotzeko tresna ere. Horrez gain, Giza Eskubideen zapalkuntza suposatzen du; besteak beste honako eskubideak urratzen ditu; bizitzeko, integritate fisikorako eta osasunerako eskubideak eta berdintasunerako eta bazterkeria ez jasateko eskubideak, besteak beste.

“EZ DA EZ, EZ PASA ETA EZ ONARTU”

Santa Ana jaietan errespetuan oinarritutako eta eraso sexistak gabeko berdintasunezko jaiak izateko kanpaina martxan da

“EZ DA EZ,  Ez pasa eta ez onartu” horrelako mezu argi eta sinpleekin Ordiziako Udalak herritarren arreta erakarri nahi du errespetuan eta askatasunean oinarritutako harreman batzuen alde; erasotzat har daitezkeen eta errespetuzkoak ez diren jarrera guztiak baztertzearen alde.

Kanpaina honen barruan hainbat ekintza jarri dira martxan:

- UZTAILAK 25 – 27.  JAIMA INFORMATIBOA, INDARKERIA SEXISTARIK GABEKO GUNEA. Arratsaldez egongo da Arboledan  18:00etatik 21:00era arte

Jai eremuan kokatzen den gunea da, indarkeria sexistaren gaia bisibilizatzeko eta herritarrak konzientziatzeko. Bertan, emakumeak  jaietan indarkeria sexistarekiko dituzten bizipen, iritzi eta interesak jaso eta babes eta elkartasun gunea irudikatu nahi da.  Indarkeria aurre egiteko bitartekariak eta informazioa jasotzeko gunea izango da, denontzat irekia: triptikoak, txapa makina, materialak salgai… , Berdintasun arloak antolatuta...