AUTODEFENTSA FEMINISTA TAILERRA EGINGO DA NESKA GAZTEEKIN

Emozioak, elkartasuna, maitasun erromantikoa eta autoestima landuko dira, besteak beste

Udaleko Berdintasun sailak  Autodefentsa ikastaroa antolatu du neska gazteei zuzenduta, 14- 15 urtetik gorakoentzat. Ikastaroa azaroaren 9an eta 10ean egingo da eta aldez aurretik izena eman behar da, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. posta elektronikaren bidez edo/eta 943805610 telefonora deituta. Egunean bertan 5 €ko ordainsaria jasoko da eta azken egunean itzuliko da bi saioetan parte hartu dutenei.

Ikastaroaren helburua: Neska gazteek beraien egunerokotasunean bizi dituzten eraso edo diskriminazio egoerak identifikatzeko gai izatea eta hauei aurre egiteko estrategia indibidual eta kolektiboak lantzea, esperientziak eta bizipenak konpartitzeko espazio seguru bat sortuz. Eta edukien artean honako hauek landuko dira: Emozioen lanketa, emakumeon arteko elkartasuna, Maitasun erromantikoa eta autoestima, besteak beste.  

METODOLOGIA oso dinamikoa eta parte hartzailea izango da. Beraien errealitateara egokitzen diren adibide eta bizipeneakin lan eginez eta beraien esperientzia eta kezkak konpartitzeko espazioa sortuz.

Ikastaro hauek II Berdintasun planaren ildo estrategikoetako batean kokatzen da:  indarkeria matxistaren prebentzioa lantzea, kasu honetan  neska gazteen artean ahalduntze prozesuak sustatuz.

Informazio gehiago: Udaleko Berdintasun saila (Barretxe).

‘MATAZAK’ EGITEKO DEIALDIA INDARKERIA SEXISTARI ‘NAHIKOA DA’ ESATEKO

Udaletxeko arkupean elkartzeko data urriaren 26ra azeratu da

2018ko Emakumeen indarkeriaren aurkako kanpainaren testuinguruan (Azaroak 25 Nazioarteko Eguna), Matazak indarkeria sexistaren aurka proiektuarekin bat egiten du Ordiziak. Datorren ostiralean 18:00etan udaletxeko arkupeetan elkartuko dira parte hartuko dutenek elkarrekin ehuntzeko, eta kanpainarekin bat egiteko deialdia egin dute Jose Miguel Santamaria alkateak, Kristina Altuna Berdintasun arloko teknikariak eta hainbat eragileek.

Duela lau urte baino gehiago  Mataza proiektua jaio zen Astigarragan. Emakume talde bat puntua egiten hasi zen eta eguneroko ekintza honetatik abiatuta indarkeria sexista errotik ezabatzea aldarrikatzeko modua aurkitu zuten. Horrela abian jarri zen sarea, denboran iraunkorra izan zedin, emakumeen artean ahizpatasuna bultzazuz, eta indarkeria matxistaren aurka gizonen jarrera aktiboak ere sustatuz.  Mundu osoan zehar ari da zabaltzen proiektua, “nahikoa da!” oihua bazter guztietara iritsiz.

Lazo kolektiboa ‘nahikoa’ dela aldarrikatzeko

MINDFULNESS IKASTARO BERRIA MISTOA IZANGO DA

Adimen emozionala lantzen duen tailerra da   

Berdintasun sailak antolatuta, ikastaroa mistoa izango da eta genero ikuspegia barneratua izango du. Hau da, ekintzaren bitartez MINFULNESS-en printzipioak eta praktika lantzearekin batera, gizonen eta emakumeen rolen eta jarreren bereizketa kontuan izango da. II. Berdintasun planean kokatzen da, ahalduntze eta kontzientziazio helburuekin.  

Mindfulness-ek arreta orainean eta hemen izaten laguntzen du (arreta osoa), eragilearen eta erreakzioaren artean dagoen espazioaz kontziente eginez. Horrek, aldi oro, izan nahi den erantzuna aukeratzen laguntzen du, norberarekiko eta besteekiko erlazioak hobetuz eta min fisiko-emozionala, antsietatea eta estresa hobeto kudeatuz.

Estresa ekialdeko jendartearen arazo garrantsitsuenetako bat da, eta eragina zuzena edo zeharkakoa du gaixotasun fisiko zein psikiko askotan. Bizitzaren erritmo zoroak ez du laguntzen bizitza ohitura ezegokiez konturatzeko  ezta  erlazioetan ditugun jarrera erreaktiboez.

HIRUKI ARROSA UDALETXEKO BALKOIAN

Ekainaren 28ko LGTBI+ kolektiboaren eguneko aldarrikapenen sinboloa da

Ostegun honetan, ekainaren 28an, Gay, Lesbiana eta Transexualen Eskubideen nazioarteko eguna da. Honekin bat egingo du aurten ere Ordiziako Udalak udaletxeko balkoian Hiruki Arrosa jarrita. Udalbatzarrak ere landuko du gaia mozio eta adierazpen bidez.

Hiruki arrosa naziek erabili zuten homosexualak bereizteko konzentrazio eremuetan. Geroago, 1969ko ekainaren 27tik 28rako gauean, New Yorkeko polizia Stonewall izeneko pub batean sartu zen transexual,lesbiana, gay eta bisexualak atxilotzeko. Euren eskubideak defendatzeko elkartzen ziren lehen aldia ez bazen ere, data hori mugarri bihurtu zen diskriminazio- eta ikusezintasun-testuinguru batean: LGTBI+ pertsonek euren sexualitatea eta generoa modu askean bizitzeko antolatu zuten borrokan katalizatzaile bat izan zen.

Orduz geroztik ekainaren 28an LGTBI+ pertsonen Sexu Askapenerako Nazioarteko Eguna ospatzen da: dibertsitatea eta egindako lorpenak ospatzeko eguna da, baita eskubideen eremuan aurrerantz egiteko falta den guztia aldarrikatzeko eguna ere.