LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Oraingo honetan Ordiziako bi panoramika ekartzen ditugu txokora. Lehena 1908. urtean argitaratutako monografiatik aterata, eta bigarrena 1920. urteko jai nagusien programaren aterata. Bigarren argazkia ikusteko sakatu IRAKURRI GEHIAGO laukitxoan.

Ordiziako hiru zientzialariak emakumeak zientzian duen presentziari buruz ariko dira ostiralean Barrenan 18:30ean

Ostiral honetan, martxoaren 2an, zientzia arloan emakumeek duten eragina aztertzeko mahai ingurua izango da. ‘Emakume zientzilaria’ izenburupean, Martxoaren 8-Emakumeen Nazioarteko egunaren eta Ordiziaren 750. urteurrenaren inguruan antolatu da. Barrena kultur etxean 18:30ean izango da. Parte hartuko duten zientzialariak ordiziarrak dira: Irati Romero (EHUko Inmunogenetikako ikerlaria), Elixabete Ayerbe (Kimakako ingeniaría eta Industriako Matematika masterra) eta Sara Insausti Gonzalez (Bioteknologia graduatua eta Inmonologia ikerketan masterra).

Luxuzko protagonista izango du mahai-inguruak, Marta Macho Stadler, EHUko Zientzia eta Teknologiako fakultateko Matematika saileko irakaslea eta Matematikako doktorea, hain zuzen. Doktoretzako hiru tesi zuzentzen lagundu du eta Valladolideko Unibertsitateko ECSING ikerketa taldeko kidea da 2007tik.

Bere ibilbide zientifikoa Matematikara ez ezik, gizartera begira dago, akademiatik urrun dauden pertsonengana bereziki, zientziaren hastapenetik lanean aritu diren pertsona eta emakumeak ezagutzera emate aldera, arlo guztietan, Paleontologiatik hasi eta Fisikara.  Horretarako ibilbidea luzea egin du iada. ‘Mujerez con Ciencia’ blog esanguratsua editatzen du, esate baterako. Baina ezagunagoa da antolatzen dituen ekitaldiengatik, emakumea eta zientziari lotuta: ‘Ellas hacen Ciencia’ zikloa, adibidez.

 

Batzar aretoan 19:00etan hasita honako gai zerrenda landuko da:

1. - 2018ko urtarrilaren 25ean egindako Osoko Bilkurako akta onartzea.

2.-  Otsaileko Alkatetzako dekretuen berri ematea.

3.- Otsaileko kontratazioei dagozkien Kontu-hartzailearen ingerak.

4.- EH-BILDUren mozioa, KULTUR LABi buruzkoa.

5.- Ordizia Orainek aurkeztutako mozioa, martxoaren 8ko grebaren aldekoa.

6.- PSEE-PSOEren mozioa, sexu erasoen aurkako APP bat sortzeari buruzkoa.

7.- Ordizia Orainek aurkeztutako mozioa pentsio duinen aldeko herri-mugimendua babesteko.

8.- Zuberoa kalean dagoen lurpeko aparkalekua ustiatzeko zerbitzuaren kontratua suntsitzea.

9.- Etxez etxeko laguntza zerbitzua erregulatzeko Araudiaren hasierako onarpena.

10.- Salmenta Ibiltaria arautzen duen Ordenantzaren hasierako onarpena.

11.- Kreditu gaikuntza aparkaleku bat egiteko proiektuaren erredakziorako.

12.- Galderak eta eskaerak.

Ahoz-aho 2018  programazioaren barruan, larunbatean, 19:00etan

Urtero garai honetan gertatu ohi den moduan, Ordiziako airean istorioak zizelkatuko ditugu. Burbuilak kontatuko ditugu, kondairen artean flotatuz. Narrazioz zipriztinduko gara, istorioez elkar lurrinduz.: Ahoz Aho jaialdia badator. Ahozkotasunaren Unibertsotik datozen Izar horiek martxoaren 3tik 16ra bitartean bisitatuko gaituzte.Eta Jaialdia hasteko“KONTATU GUREKIN!” VI. IPUINEN AHOZKO NARRAZIO lehiaketarekin zabalduko da. Istorio bat, ipuin bat... kontatu nahi diguten pertsona guztiei irekitako lehiaketa zabaldu da eta Amaia Pagola (Tolosa), Joxe Aldasoro (Etxarri-Aranatz), Vanessa González (Arrasate), Sebas Gutterdege (Zumarraga), Amaia Ruiz de Galarreta (Tolosa) eta Román Marzana (Elorrio) izango dira lehian arituko direnak. Lehiaketa, datorren larunbatean,  izango da, arratsaldeko 19:00etan, Ordiziako D’Elikatuz gunean eta Iñaki Carreterok izango da emanaldiaren gidari.