Bertan, Dar-dar produkzioko koordinatzaileak Asier eta Iker Zinkunegi  egon dira, Jose Miguel Santamaria alkatea eta Joseba Aramburu kultura eta hezkuntzako zinegotzia.

Proiektu honen ardatza giza eskubideen inguruan sentsibilizatzea eta topaguneak eta komunikazioa sortzea da. Une honetan, daukagun aniztasuna azalera ateratzeko asmoz. Arazoa izan daitekeena aukera bihurtzea dugu helburu. Elkar ezagutzaren eta onarpenaren bidez, integrazioa eta kohesio soziala bermatu nahi da. Giza eskubideen inguruan, herritarrak sentsibilizatu eta hezi nahi da.Desberdintasun guztien gainetik, elkarrenganako errespetua eta elkar ezagutza garatuz, pertsona guztien berdintasuna bultzatu nahi da. Ondorioz, integrazioa eta kohesio soziala lortuz.

Lanbiden eman behar da izena azaroaren 22rako, hau barne

Ordiziako Udalak behin-behineko bost lanpostu betetzeko deialdia egin du. Informatikaria, ‘Ordizia 750’ urteurreneko dinamizatzailea, ‘Ordizia Hiri Hezitzailea’ programako dinamizatzailea eta mantenimenduko lanetan aritzeko bi peoi behar dira. Goierrin erroldatua egotea derrigorrezkoa da, eta baloratuko da Ordizian egotea.

Abenduaren 1ean lanean hasi eta sei hilabeterako kontratuak egingo dira. Lanaldi osokoak izando dira, ‘Hiri Hezitzaile’ lanposturako izan ezik, hau %60koa izango baita. Teknikari/dinamizatzaileek euskarako C1, EGA edo titulu baliokidea izan behar dute, eta B1 edo oinarrizkoa peoiek.

Eskaerak Beasaingo Lanbideren bulegoan egin behar dira. Azken eguna azaoaren 22a da. Bertan jasoko dute lanpostu bakoitzari dagokion zereginen informazioa.

Esposizio batek, informazio-saioek eta gaiari buruzko hainbat lantegik erraztuko dute dokumentuari ekarpenak egiteko hausnarketa

Ostegun honetan inauguratu da Barrena kultura-etxean Ordiziaren Hiri Antolamenduko Plan Orokorraren Aurrerapena.Horrela, hasiera eman zaio plan berriaren aurrerapenaren fase honetako herritarren parte-hartzeari: "Ordizia denon artean". Xedea Ordiziaren aurrera begirako hirigintza-plangintzarekiko herritarren ikuspegia txertatzen laguntzea da.Plan orokorra urtarrilaren 15era arte egongo da jendaurrean.Datozen egunotan, informazio-triptiko bat emango da argitara, bai esposizioari publikoari buruzkoa, bai herritarren parte-hartzeari buruzkoa.

Horrela, herritarrek parte hartzeko martxan jarri den prozesua honako hauek osatzen dute: inauguratu berri den esposizioak, argitara emandako informazio-materialak eta azaroan eta abenduan zehar herritarrekin landuko diren informazio-bilerek eta lantegiek.

Kontzertua igandean izango da, arratsaldeko 18:30etan Parrokian.

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, datorren igandean, hilak 12, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango dugu, Euskal Barrokensemble taldea osatzen duten Miren Zeberio Etxetxipia (biolin barrokoa), Pablo Martin Caminero (kontrabaxua), Daniel Garay Moragues  (perkusioa) eta Enrike Solinís Aspiazu (gitarra barrokoa, lavta eta zuzendaritza artistikoa) musikarien eskutikoa, alegia.

Euskal Barrokensemble Enrike Solinísek 2006an sortu zuen antzinako musika taldea da, han eta hemengo musikari bikain eta bereziek osatzen dutena.