LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Aste honetan kristau komunitateak Aste Santua ospatzen du. Garai bateko ohiturak eta sentimendu erlijiosoak erabat aldatu dira. Gaur gure txokora pare bat argazki ekartzen dizkizuegu garai bateko prozesioarenak. Lehena “Andre Maria doloretakoa” pasoa kale nagusian ( irudi hau parrokiako Zabala kaperan gordetzen da) eta bigarrena erromatarren konpainiarena.Bigarrena ikusteko sakatu IRAKURRI GEHIAGO laukitxoan.

Goenaga zinegileak moztuko du gazta

Ordizian 2018ko azoka berezien egutegiari hasiera emango dion Artzain Eguna ospatuko da apirilaren 4an Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Joxe Mari  Goenaga, Ordiziar Zine Zuzendari eta gidoilariaren eskutik. Donostian aurkeztu dute feria.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta,  Goierriko produktu eta Gipuzkoako artisauen  saltokiak jarriko dira.

Aharien erakusketa

Herritarrei dei egiten zaie larunbatean 20:30ean argiak itzali eta ohitura arduratsuak hartzera

Bihar ospatuko den Planetaren egunarekin bat egingo du Ordiziako Udalak. Mundu mailan egin da deialdia, hamaikagarren urtez, klima aldaketaren kontra egin eta biodibertsitatearen galera ikustarazteko. Kanpaina honekin 2015.urtetik egiten du bat Udalak, bere ardura azalduz gizarteak arazo handi honen aurrean. Hala, Ordiziako Udalak udal eraikin eta ekipamenduetako (udaletxea, plaza Nagusia, Barrena kultur etxea, etab) argiak itzaliko ditu larunbat honetan, martxoaren 24ean, 20:30etik 21:30era.

Zer egin daiteke?

Herritarrei ere gauza bera egiteko eskatzen zaie. Ordubete horretan argiak itzaltzaiz gain, gaiaren inguruan hausnartu eta aurrerantzean arduraz jokatzea proposatzen da: energia gutxiago kontsumituz, objetuak berrarabiliz, plastikoari uko eginez, dagokiona birziklatuz eta ur gutxiago gastatuz, besteak beste.

Ostegun honetan, martxoaren 22an, 19:00etan Osoko bilkurak honeko gai zerrenda landuko du:

1. 2018ko martxoaren 1ako udalbatzarrak egindako batzarraren zirriborroa onartzea.
2. Otsaileko Alkatetzako dekretuen berri ematea.
3. Kontu-hartzaileak  otsaileko Kontratuei dagokien ingeren berri ematea.
4. Udaltzaingoaren Antolakuntza- eta Funtzionamendu-Araudiaren hasierako onarpena.
5. Alde Zaharra Eraberritzeko Plan Bereziaren behin betiko onarpena, Elkano kaleko 10.zenbakiko B05/06 EUari dagokiona.
6. Ordiziako Udalaren eta Gipuzkoako Foru Aldundiaren arteko hitzarmena, Etxez-etxeko Laguntza Zerbitzua Finantzatzeko.
7. Gizarte Larrialdietarako Laguntzak banatzeko irizpideen onarpena.
8. Aisialdiko baratzak erabiltzeko Araudiaren hasierako onarpena.
9. 2018ko aurrekontu luzatua aldatzeko proposamena, inbertsioak, kapital-transferentziak eta konpromiso-kreditua gehitzeko.
10. Ordiziako Udalaren, San Jose Egoitzako E.A.aren eta Gipuzkoako Foru Aldundiaren arteko Hitzarmena,  San Jose Egoitzaren kudeaketa eskualdatzeko.
11. Galde-erreguak.