AhozAhoKart2013WEBOrdizia prestatzen ari da toki urrunenetatik Ahozkotasunaren Nazioarteko Jaialdira datozkigun hitzaren mezulariak beste urte batez jasotzeko

Hemen da AHOZ-AHO 2013, Ahozkotasunaren Nazioarteko Jaialdia. Urtero garai honetan gertatu ohi den moduan, izarrak lerrokatu egin dira, sorginkeriaz bezala, eta galaxia berri bat eratu dute: Kalabaza forma duen konstelazio bat.

Horietako bakoitzak bere argitasuna badu ere, Ahozkotasunaren Unibertsotik datozen Izar horiek Ordizian izando dira, otsailaren 22tik martxoaren 2ra bitartean bisitatuko gaituzte, Kalabaza forma duen konstelazio magikoa pizteko.

elurraUrteko lehen elurteak eragin nabarmenak izan ditu Goierrin

Astearte goizean egin zuen elur jasak eragindako elektrizitate poste baten erorketak argi gabe utzi zituen bailarako hainbat auzo. Ordiziak ere ez zion ihes egin egoerari. Arana kalea, besteak beste, argirik gabe izan zen eguerdira arte. San Jose egoitzako egoileei beren beregi ekarritako kanpin gasekin prestatu zitzaien bazkaria. Eta Alotza haur eskolak ateak itxi behar izan zituen egunerokotasunari ezin eutsiz.

stockSare sozialetako ikastaroa eta Ordizian Stock V. azoka eta Kale Azoka ospatuko dira

Otsailaren 25ean hasi eta 28ra bitartean merkatariei zuzendutako Facebook ikastaroa eskainiko zaie KZ gunean. 2 ordutako iraupena izango du egun bakoitzean, 14:30etatik 16:30etara hain zuzen. Dohainik izango da, baina aldez aurretik izena ematea beharrezkoa. Horretarako deitu 648 70 06 58 telefono zenbakira edo idatzi Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. posta helbidera.

2013-02-12 korrika-prentsaurrekoa70 ekitaldik baino gehiagok osatzen duten Goierriko Korrika

Martxoaren 14an Andoaindik abiatuko da korrika 18, egun horretan bertan igaroko da Goierritik, eta martxoaren 24an Baionan bukatuko da. Edizio honek euskararen ikaskuntzan eta erabileran oinarritutako elkarbizitza du helburu eta horregatik, Eman euskara elkarri mezua zabaldu nahi du lau haizeetara. Horren harira, Korrika 18k eta AEK-k egun euskalduntzen eta alfabetatzen ari diren ikasle guztiak omendu nahi dituzte; beren ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak sortzen ari direlako.