Honen interesa kontutan harturik parte hartzeko gonbidapena luzatzen die Udalak herriko dendariei

Ordiziako Udalak, Gipuzkoako Merkatarien Federazioaren laguntzarekin, “Singular dendak” desberdintzapen programaren aurkezpen jardunaldia antolatu du herriko merkataritza sektorearentzat.Jardunaldia datorren ostegunean, ekainak 15, arratsaldeko 15:00tan burutuko da D´elikatuz Zentroan (Andra Mari kalea 24) eta ordu bateko iraupena izango du. Gipuzkoako Merkatarien Federazioko bi ordezkarien presentzia izango dugu, zeintzuk Gipuzkoako Foru Aldundiaren laguntzarekin garatzen ari diren ekimen hau aurkeztuko dute, honetara Ordiziako Udala batu delarik.

Zortzi laburmetrai emango dira Herri Antzokian doan

Azken urteetan bezala, Ordiziako Udalaren lankidetzarekin, Huhezinema 2017 jaialdiko film labur irabazleen emanaldia antolatu da.  Ekainaren 15ean da hitzordua, 19:30tan,  Herri Antzokian.  Sarrera doan da.

Filmen emanaldiaren ondoren solasaldia ere egongo da hainbat film laburren egileekin: “Portratit” film laburreko Iñaki Tena; “Krispetak” eta “Karta Astrala” filmetako Maite Bidarte, hain zuzen.

Hamargarren  Huhezinema Jaialdian saritutako zortzi film laburrak dira emango direnak Herri Antzokian:

Kontzertua larunbatean, Parrokian, arratsaldeko  20:30ean.

Ordiziako Kusika Eskolak antolatuta Donostiako Udal Musika Eskolako Orkestra Sinfonikoak kontzertua eskainiko du larunbatean Parrokian. Programan Vivaldi, Brahms, Bela Bartok…

Programa ikusteko SAKATU HEMEN

Balleta eta Mendeslssohn, Franck eta Liszten musikak izango dira Herri Antzokian

Londoneko Royal Opera Housetik zuzenean eskainiko da asteazken honetan Ordiziako Herri Antzokian ballet saio berria. Hiru istorio, hiru musika, hiru koreografia eta artista eta protagonista desberdinak saio berean elkartuko dira, bi atsedenaldiekin, 20:15etan hasiko den emanaldian.

‘The Dream’ lana izango da lehenengoa pantailan, ‘Symphonic Variations’ gero eta ‘Marguerit and Armand’-ekin amaituko da. Felix Mendelssohn, Cesar Franck eta Franz Liszt musikagileen jatorrizko obrak dira, hurrenez urren. The Royal Ballet-ek dantzatuko du Kevin O’Harek zuzendutako Frederick Ashtonen koreografiak. Emmanuel Plasson da etxeko orkestraren zuzendaria.